შემოდგომის პირველი სუსხის შემდეგ, აივანზე პლედშემოხვეული, კომფორტულად მოკალათებული, ცხელი ფინჯანზე ხელებმიფიცხებული სხვა მრავალ საზრუნავთან ერთად იწყებ ფიქრს, “ხვალ რა ჩავიცვა?”.
მმმ… უკვე აცივდა. ზაფხულის გრილი კაბები აღარ გამოდგება. აღარც პიჯაკი და ფერადი შარფი კმარა, უკვე საკმაოდ ცივა.
თბილ სამოსზე ზრუნვის შემდეგ იწყება ფიქრი იმაზე, რამდენად კარგად და მოდურად გამოიყურები.
თუ შენთვის მოდური ტენდენციები მნიშვნელოვანია, ეს პოსტი სწორედ შენთვისაა, ხოლო მოდისამდი გულგრილი ადამიანებიც თუ დაათვალიერებენ ფოტოებს, გულთბილად განეწყობიან. 🙂
2014 წლის შემოდგომის ერთ-ერთი მთავარი ტრენდი თბილი, ღუნღულა, ხელოვნური ბეწვია, რომელიც თავიანთ ჩვენებებში წამყვანმა დიზაინერებმა გამოიყენეს.
Miuccia Prada-მ ფერადი ბეწვის გაწყობილი ქურთუკი შემოგვთავაზა, ხოლო Emilio Pucci-მ ტყავის ქურთუკი შიგნიდან გამოკრული თეთრი დაბალი ბეწვით.
იგივე მასალა ოღონდ სხვადასხვა სტილში ფიგურირებს Isabel Marant-ის, Burberry Prorsum-ის, Tommy Hilfiger-ის და სხვა წამყვანი დიზაინერების კოლექციებში.
მანგოშიც გამოჩნდა მსგავსი მოკლე “დუბლიონკები” ქემელ ფერის და გავიგონე ბიჭმა უთხრა გოგოს აააარა ეგ ძველმოდურიაო, ისიც დაეთანხმა და გზა განაგრძეს. 😦
არადა უცხოელ ბლოგერებს ხშირად აქვთ ე.წ. shearling coat, თუ მთლად კალიფორნიაში არ ცხოვრობენ! :)))
მე ძალიან მომწონს – very French 60’s.