კონკრეტული მიზეზი არ მქონია.
მე არ მივეკუთვნები იმ ადამიანების კატეგორიას, რომელიც თავის სტატუსებში მუდმივად სხვებს აკრიტიკებს პირდაპირ ან ირიბად. მე არ მაღიზიანებს სტატუსები წვიმაზე, იმიტომ რომ amindi.ge-ზე სანდოა, ვკითხულობ თითქმის ყველას აქტივობას. განსაკუთრებით მიყვარს მალინა და მისი ოჯახური ამბები. Like-ით ჩასაფრებული ველოდები გორგილაძის ყველა პოსტს. სკოლაში მიღებულ მაღალ ნიშანზე და შექებაზე მეტად მიხარია მოლის ლაიქი და კომენტარი.
იმის თქმა მინდა, რომ მე Facebook-დამოკიდებული ვარ,
მზიან კვირა დღეს ყოფიერების აუტანელი სიმსუბუქით დამძიმებულმა გადავწყვიტე, რომ დასვენება მჭირდებოდა ცივი წყალივით.
არაფერი განსაკუთრებული. ავდექი და გავაუქმე, ისე რომ იმ ადამიანებისთვისაც კი არ შემიხედავს ვისაც “მოვენატრები”.
ორშაბათ დილას მეგონა რომ სამსახურში ყველა გაოცებული სახით დამხვებოდა და მე ღიმილით ვეტყოდი: “კარგად ვარ, მეგობრებო, არ ინერვიულოთ”, მაგრამ სამუშაო ოთახში შესული, ბიჭებმა გოგოდაც არ ჩამთვალეს, ისე გააგრძელეს ინგლისი – იტალიის თამაშის განხილვა.
მთელი დღე ველოდებოდი ზარს აფორიაქებული მეგობრებისგან, მაგრამ მხოლოდ დედას გავახსენდი საღამოს.
ეგონა რომ მისმა facebook-მა აურია.
თავი დაიწვა.
მერე რა რომ არაფერს ალაიქებს და აკომენტარებს, ყველაფერს ხედავს, ყველაფერს ამჩნევს. 🙂
სამშაბათს ჯერ კიდევ მეგონა, რომ ვიღაცას ძალიან ვჭირდებოდი და ვერ მპოულობდა. რაღაცნაირად სინდისი მქენჯნიდა, თურმე ტყუილად.
შემდეგ დღეებში შევამჩნიე რომ ტელეფონის ელემენტი ისე კატასტროფულად სწრაფად აღარ იცლებოდა, მიუხედავად მომატებული ზარებისა.
აღმოჩნდა, რომ ჩემი ნომერი იმაზე ბევრ ადამიანს სცოდნია, ვიდრე წარმოვიდგენდი.
ძალიან სასიამოვნოა, როცა უბრალოდ მოსაკითხად გირეკავენ.
ტყუილია, რომ მეტი თავისუფალი დრო გაქვს ან უფრო მეტ დროს უთმობ მეგობრებს და ადამიანებთან ურთიერთობებს Facebook-ის გარეშე.
ჩემს შემთხვევაში, ინფორმაციის მიღების და ურთიერთობის საუკეთესო საშუალებაა ის, რის გარეშეც უკვე 127 საათია ვარსებობ. დავუბრუნდი 20 წლამდე არსებულ მდგომარეობას და ეს არც ისე კომფორტულია.
მე დავბრუნდე-ბიბი! ჰო, დავბრუნდები!
თქვენი პოსტები დამაბრუნებენ!
p.s. პოსტისთვის ერთი ფოტო მინდოდა დამერთო, რომელიც მეგობარს ედო facebook-ზე. ადამიანი იხედება დურბინდიდან, რომელსაც F-ის ფორმა აქვს, მაგრამ ვერ ვიპოვე გასაგები მიზეზის გამო.
მე ვერ დაგთაგე მაგნუმში, ვიფიქრე, ბიბი წასულა-მეთქი და მეწყინა 😦
ეგ როგორ იფიქრე?! 🙂
ზუსტად 🙂
მადლობა 🙂
გელოდებით! ❤
მე 2 წელზე მეტია, აღარ ვარ ფბ-დამოკიდებული და ძალიან მომწონს ეგ ამბავი. მაქვს პროფილი, რომელიც მხოლოდ ჩემი ბლოგის გვერდის ადმინისტრირებისთვის და რამდნეიმე მაგნუმელთან საკონტაქტოდ მჭირდება და ეგაა სულ.
ცხოვრება ასე უფრო მშვიდია და ჰო – უფრო ცხოვრობ 🙂
ხანდახან ფეისბუკიც საჭიროა, მაგრამ ვიცი, რომ მის გარეშე ცხოვრება უკეთესია 🙂 სოფელში, რომ წავედი და ინტერნეტი, რომ არ მქონდა უფრო კარგად დავისვენე. თან ტელეფონიც უფრო უკეთესად გრძნობდა თავს, როგორც შენ აღნიშნე 😉