ტობი მაგუიარი სპაიდერმენობამდე და შიშველი შარლიზ ტერონი

ჰომერ უელსი ობოლთა თავშესაფარაში იზრდება. მას სახელი ექიმმა ლარჩმა ჰომეროსის და უელსის საპატივცემულოდ დაარქვა.

ჰომერის შვილად აყვანაზე ერთმა ოჯახმა მხოლოდ იმიტომ თქვა უარი, რომ ბავშვი არ ტიროდა, ხოლო მეორე ოჯახი ცემისგან სულ ტირილსი ამყოფებდა. სენტ-კლაუდის ობოლთა თავშესაფრის ხელმძღვანელმა ექიმმა ლარჩმა მისი გაზრდა საკუთარ თავზე აიღო. ასწავლიდა ყველაფერს, რაც თავად იცოდა და ის იქცა სხვა ობლების და მარტოხელა დედების დამხმარედ და მეგობრად.

საკმარისია ერთხელ გაიღიმოს და გიყვარდება, მინიმუმ მის მიმართ დადებითად განეწყობი და რა გასაკვირია, რომ ახალგაზრდა მფრინავი ვოლი და მისი შეყვარებული ქენდისიც თუ მოიხიბლნენ  და თავისთან სამუშაოდ წაიყვანეს.

ფილმს “The Cider House Rules” ქვია, მაგრამ რუსულად და ამის შედეგად ქართულადაც, ის რატომღაც თარგმნეს, როგორც  “მეღვინეების წესები”.

ჯონ ირვინგის ნოველის და მისივე ადაპტირებული სცენარის მიხედვითაა გადაღებული 1999 წელს და 2000 წელს 7 ნომინაცია ქონდა ოსკარზე: მხატვრობისთის, დეკორაციისთვის, რეჟისურისთვის, მუსიკისთვის, მეორეხარისხოვანი მამაკაცის როლისთვის და სცენარისთვის. სწორედ ბოლო ორ ნომინაციაში ერგო ჯილდო.

მაიკლ კეინს ექიმი ლარჩის როლისთის და ჯონ ირვინგს სცენარისთის.

ეს ფილმი სულაც არ გამოირჩევა მსახიობების უბადლო ოსტატობით. ისეთი სცენარია, არც ჭირდება პრინციპში.

ჰომერის როლს ტობი მაგუიარი თამაშობს, რომელიც როგორც უკვე აღვნიშნე, ტოვებს თავის გამზრდელ ექიმ ლარჩს, მასზე უზომოდ შეყვარებულ ობლებს და ვაშლის მკრეფავი ხდება.

უყვარს კინო, თუმცა მხოლოდ ერთი ფილმი “კინგ კონგი” აქვს ნანახი და უყვარდება ქალი, რომლის სხეული აჯადოებს, მიუხედავად იმისა რომ ძალიან ბევრი ქალის სიშიშვლე უნახავს, თავისი სამედიცინო პრაქტიკისას.

არც არავის დატოვებს გულგრილს შარლიზ ტერონის სიშიშვლე ამ ფილმში. მისი არაერთი ფოტო მინახავს და თითქმის ყველა ფილმი, მაგრამ აქ უზადოა, უნაკლოა, შეუდარებელი.

ვაშლის მკრეფავების საცხოვრებელ კოტეჯში გაკრულია წესები, რომელთა წაკითხვა მხოლოდ ჰომერს შეუძლია, ხოლო მათი დაწერა მხოლოდ ისეთ ადამიანს, ვინც იქ არ ცხოვრობს, უშუალოდ არ ეხება გარემოებები და ამიტომ ამ წესების ყველა პუნქტი ირღვევა. ასე ხდება ცხოვრებაშიც.

თითოეულმა ადამიანმა თავად უნდა შექმნას თავისი ცხოვრების წესები ყოველდღიურად, მთელი ცხოვრება და შესაბამისად იხელმძღვანელოს.

ამასვე ცდილობს ჰომერი, თუმცა ექიმი ლარჩი მის ცხოვრებაში კვლავ ჩნდება და მომავალს განუსაზღრავს, სავარაუდოდ უკეთეს მომავალს, ვიდრე ვაშლის მკრეფავობაა.

ჩემი თუ არ გჯერათ, თავად განსაზღვრეთ ფილმის ნახვის შემდეგ. 🙂